注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

只谈娱乐!

 
 
 

日志

 
 

王卓淇打機抗抑鬱課金溝仔  

2018-03-31 19:35:57|  分类: 选美资料 |  标签: |举报 |字号 订阅

  下载LOFTER 我的照片书  |
王卓淇打機抗抑鬱課金溝仔

前港姐王卓淇(Erin)早前因拍劇戲份重致壓力大而患抑鬱,令她足不出戶留在家中打機!想不到因而打出另一片天,與林泳淘等人組成女子電競隊,升呢做「打女」。Erin更自爆為了打機三日唔洗頭、課金過千為過關,雖然玩得瘋狂,但她坦言玩樂至上,最緊要玩得開心!
王卓淇打機抗抑鬱課金溝仔 - zyuyu79 - 鱼
 王卓淇自爆為了打機,三日唔洗頭、課金過千都冇問題。

王卓淇(Erin)參選2014年香港小姐獲得亞軍後,加入無綫拍劇,對比同屆港姐,算是有較多的幕前機會,Erin對此亦坦言感覺像夢一場,她說:「係一個好真實嘅夢,入呢行其實唔簡單,都係一個緣分。由細到大都咁鍾意睇電視劇,自己依家可以有份拍,真係好開心,而且一直都有少少進步,好多前輩又肯教我,希望可以試多啲唔同角色。」
人工全數上繳媽咪

一直被外界定型為隱形富家女的Erin,雖然家中沒有經濟壓力,但她自言絕不揮霍,應使得使,她說:「女仔啲衫同埋裙都貴,我成日隔一排,等大家唔記得我着過,就再拎出嚟着,做藝人唔代表啲衫只可以着一次。(畀到家用?)我全部錢都係畀媽咪管,媽咪每個月都會畀零用錢我,我買啲咩之前都會同媽咪講,要得佢批准。」

雖然演藝之路一帆風順,但Erin早前在社交網表示曾患抑鬱,因當時拍劇集《全職沒女》擔重戲份,令Erin感到甚大壓力,幸好最後能渡過難關,她說:「嗰陣擔心自己做得唔好,自己有時喺屋企喊,又會問媽咪我係咪做得唔好。媽咪見到安慰我,話都要成長嘅,之後多啲研究劇本,多啲問監製,最後都完成到,覺得都滿意。嗰陣有輕微抑鬱,唔想出門口,所以留喺屋企打機,識到班打機嘅朋友,同佢哋日打夜打,最後就冇事。」
王卓淇打機抗抑鬱課金溝仔 - zyuyu79 - 鱼
  王卓淇(右起)近日與馮盈盈及楊明合拍熱播劇《果欄中的江湖大嫂》。
王卓淇打機抗抑鬱課金溝仔 - zyuyu79 - 鱼
 王卓淇每月都會問媽咪拎零用錢,買嘢亦會先得媽咪批准,可謂名副其實的嬌嬌女。
王卓淇打機抗抑鬱課金溝仔 - zyuyu79 - 鱼
 王卓淇與林泳淘同為「電玩迷」。

使千幾蚊玩戀愛game

打機打走抑鬱的Erin,近日殺出一條新血路,與無綫其他藝人如林泳淘等組成女子電競隊,建立另一個「打女」形象!Erin坦言自細就鍾意打機,更自爆為遊戲中的「男人」花費過千元,她說:「依家鍾意打競技同埋戀愛養成遊戲,近排有個戀愛養成遊戲我超鍾意玩,入面有四個男仔,我可以追佢哋,我仲課咗好多金,畀男人呃錢!課咗千幾蚊,應該會再課,因為要開通咗卡先可以有劇情,所以有排儲!」除了課金,Erin更為了打機不理儀容,試過三日唔洗頭,她說:「因為嗰幾日冇出過街,只係留喺屋企打機,試過兩三日冇洗頭,最後我頂唔順要去洗頭!」
王卓淇打機抗抑鬱課金溝仔 - zyuyu79 - 鱼
 王卓淇拍《全職沒女》時,因戲份重而壓力大。
王卓淇打機抗抑鬱課金溝仔 - zyuyu79 - 鱼
  王卓淇在《全職沒女》中與謝東閔演情侶,有不少對手戲。
王卓淇打機抗抑鬱課金溝仔 - zyuyu79 - 鱼
 王卓淇與一眾無綫藝人組成女子電競隊,打機打出一片天!

文:林倩怡
攝:司徒國榮
場地:浜燒き
鳴謝:Barry@relaxdearhk
  评论这张
 
阅读(3)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018