注册 登录  
 加关注
查看详情
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

只谈娱乐!

 
 
 

日志

 
 

吳卓羲由頭再嚟搣甩電視味  

2018-05-26 07:23:23|  分类: 人物传记 |  标签: |举报 |字号 订阅

  下载LOFTER 我的照片书  |
吳卓羲由頭再嚟搣甩電視味

吳卓羲(Ron)離開工作超過20年的無綫後,近年轉攻拍電影,他自覺仍是大銀幕的新人,希望可以再創出另一番事業。將近40歲的他依然未有伴,他以「一片空白」來形容感情生活,不過眼見身邊好友相繼結婚,也有成家立室的念頭,但要先有家庭才計劃生育。
吳卓羲由頭再嚟搣甩電視味 - zyuyu79 - 鱼
 吳卓羲銳意在影壇發展,希望闖出另一片天地!

闊別螢幕兩年多的吳卓羲,於邵氏網劇《飛虎之潛行極戰》中,與黃宗澤(Bosco)做一對同父異母的兄弟。飾演有組織罪案及三合會調查科探員的Ron,雖然今次未有機會與一眾型男鬥「肌」,但他未感失望:「冇所謂,有得騷肌咪操吓,冇得騷咪跑吓。」

雖然大部分戲份都不用穿上飛虎制服,表面上比一班飛虎隊員較輕鬆,但Ron有苦自己知,在炎熱天氣下有不少動作場面,受傷無可避免:「飛虎隊出動之前我要查案捉賊,一個人打晒,仲有槍戰,又要跳樓梯,都好辛苦。」

與黃宗澤重逢「得意」

繼《衝上雲霄》及《英雄.刀.少年》後,Ron與Bosco先後離開無綫,今次是二人相隔十多年後再次合作,Ron以「得意」來形容重聚的感受:「咁多年冇合作,大家都經歷咗一啲拍戲同待人處事嘅經驗,再返嚟拍同以前係唔一樣,因為兩個都大個咗。」他指大家都演過很多不同角色,揣摩和拿捏角色的角度和手法都有別過往。
吳卓羲由頭再嚟搣甩電視味 - zyuyu79 - 鱼
 
吳卓羲由頭再嚟搣甩電視味 - zyuyu79 - 鱼
 吳卓羲

Ron於無綫工作超過20年,最後一部劇集是2015年播出的《梟雄》,他直言喜歡演戲:「我覺得離開咗之後睇嘢同做嘢唔同咗,眼界可能闊咗。以前我喺無綫嘅時間,係拍劇之餘,可能會拍其他綜藝節目,但喺內地拍電視劇可以專注啲,唔使諗太多嘢,又唔會悶。」

對手吸引「回巢」玩吓

今次「回巢」拍劇,Ron解釋是因為劇本及對手夠吸引,連苗僑偉(三哥)也有份找他參演:「佢話不如玩多部,我諗諗同Bosco好似咁多年冇合作,我哋大家唔使埋位時,坐低傾偈又幾開心。」雖然今次與另一型男張兆輝戲份不多,但Ron與對方合作感到開心,又透露張兆輝很多時都給他發揮空間,最緊要大家拍得舒服。《飛虎》早前於myTV SUPER及內地視頻網站率先播放,點擊成績甚佳。問到可會繼續在香港拍劇?Ron說:「香港始終有個家,我覺得一個演員喺唔同地方要去接觸唔同嘢,先可以吸收更多。」
吳卓羲由頭再嚟搣甩電視味 - zyuyu79 - 鱼
 感情生活未有着落,吳卓羲笑言:「邊有時間拍拖呀!」

效法前輩進軍銀幕

近年主力於電影大展拳腳,Ron直言想在銀幕上創一番事業:「當然想試吓,無綫係一個磨練嘅地方,我都留咗喺無綫咁耐,拍咗咁多劇,試吓跳出去做唔同工作,試吓喺大銀幕出到嚟個效果會係點,大銀幕上我係新人,所以要學吓嘢。」

不少電視藝人轉戰影圈均取得輝煌成績,Ron亦視前輩周潤發、張家輝、古天樂、林家棟為目標。他有信心隨着時間過去,必定能搣甩電視味。稍後他會與周麗淇合作,是他於銀幕上的首部愛情電影。
男人38心思思結婚生仔!

講到感情生活,Ron笑言一片空白:「邊有時間拍拖呀!(有乜擇偶條件?)最緊要有共同嗜好,我都38歲,另一半年紀都要恰到好處。」他笑指家人未有催他結婚,反而母親有催他生仔:「最近有諗過結婚,因為見到好多朋友結婚生仔都好開心,但暫時我冇時間去拍拖,我又唔想淨係生仔。我想有家庭,所以要等吓。」

文:影視組
攝:張福宏
化妝:Marsha Ma
  评论这张
 
阅读(7)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018